Partia Socialiste do të mbledhë sot Asamblenë Kombëtare, një javë pasi kryeministri Rama zhvilloi një takim me drejtuesit dhe kabinetin qeveritar në Dajt.
U bë me dije se takimi do të mbahet në Durrës dhe do të nisë me fjalimin e kryeministrit Edi Rama, teksa më pas do të ketë dhe një votim për organet e reja drejtuese të socialistëve.
Asambleja e PS ka rreth 350 anëtarë, nga të cilët Kongresi i korrikut zgjodhi vetëm 156 prej tyre, pasi pjesa tjetër zgjidhen automatikisht për shkak të funksioneve.
