Një ngjarje e rëndë tronditi vendin të shtunën e 31 gushtit, ku Melisa Trëndafili u spërkat me benzinë dhe më pas iu vendos flaka nga bashkëshorti i saj Bledar Trëndafili, pasi ky i fundit nuk pranonte divorcin nga 31-vjeçarja.
Por duket se tragjedia e së resë është përdorur nga Ministrja e Shëndetësisë për propagandë, pasi jasht çdo etike, ka publikuar pamjet nga shtrati të 31-vjeçares, e cila shfaqet duke lënguar.
Në pamjet e publikuara në Facebook-un e ministres Koçiu në Qendrën Spitalore Universitare Nënë Tereza, duket se e reja është në paln të dytë pasi më e rëndësishme është propanda dhe porosia që pamjet aspak etike të një viktime të një gjesti barbare të postohen në rrjetet sociale.
Ndërsa më tej ministrja shkruan se ishte me 31-vjeçaren dhe familjen e saj në QSUNT, ku për fat të mirë, ajo është jashtë rrezikut për jetën dhe po merr kujdesin e plotë të ekipit mjekësor
“Dhimbjet e plagëve të marra nga dora kriminale e atij që duhet të ishte mburoja e saj dhe e fëmijëve duhet të kthehen në forcë për tu bërë bashkë si një familje e për t’i thënë JO çdo forme dhune e cila duhet të ndëshkohet në formën më të rendë.
Isha pak çaste me Melisën e familjen e saj në QSUNT, ku për fat të mirë, ajo është jashtë rrezikut për jetën dhe po merr kujdesin e plotë të ekipit mjekësor.
Si ministre, e mbi të gjitha si grua e nënë, siguroj që Melisa dhe dy fëmijët e saj do të kenë të gjithë mbështetjen tonë dhe bashkë do të luftojmë kundër këtij fenomeni sheqetësues që nuk duhet t’i përkasi më shoqërisë tonë”, shkruan ministrja Koçiu.
Ministrja ndryshon postimin
Ndërsa pas kritikave, ministrja vendosi që të ndryshojë postimin ku shfaqeshe me fytyrë e reja duke lënguar në shtat.
Në Facebook-un e Koçiut, pamjet ndryshuan teksa u shfaqen me blur, por kjo nuk e shfajëson ministren e Shëndetësisë, pasi pamjet e 31-vjeçares qarkulluan në rrjet.
Çfarë ndodhi në Korçë?
Të shtunën e 31 gushtit, Bledar Trëndafili i ka telefonuar bashkëshortes së tij duke i kërkuar të dalë nga banesa për të sqaruar diçka, madje shumë metra poshtë banesës që Melisa Trëndafili kishte marrë me qera dhe jetonte me fëmijët e saj, janë ulur në shkallët e një banese private ku ndodhi dhe ngjarja.
Krejt papritur Bledar Trëndafili e ka spërkatur bashkëshorten e tij me benzinë dhe po aq shpejt i ka vënë dhe flakën.
Duke qenë fare pranë një ndërtese private Melisa Trëndafili ka trokitur në portën e kësaj shtëpie aty ku në ndihmë i ka ardhur në ndihmë një grua 65 vjeçare e cila ka arritur t’i heqë rrobat që kishte veshur, e cila jo vetëm ka bërë këtë por e ka mjekuar me mjete rrethanore shtëpie e pasi e ka veshur me rroba të tjera ka lajmëruar ambulancën e policinë.
U bë me dije se Bledar Trëndafili dyshohet se ka qenë në gjendje të dehur, ndërkohë që policia ende nuk ka mundur të arrestojë atë.
