Këshilltarja e Bashkisë Shkodër për opozitën, Eliona Kodra Shkreli gjatë fjalës së saj në protestën e mbrëmjes së sotme, poshtë shptëpisë së kryedemokratit Sali Berisha, u shpreh se Shqipëria është kthyer në një landfill të mbushur me mbeturina, ku kanë pushtuar çdo qytet dhe qendër banimi.
Sipas saj, mbetjet spitalore të rrezikshme në Shkodër, të cilat nuk mblidhen më në zona të caktuara, ashtu siç është me ligj, por hidhen në kontejnerët e familjarëve.
Ndërsa në fund këshilltarja demokrate theksoi se kryebashkiaku Benet Beci po mbyll sytë ndaj këtij skandali.
“Ne jemi njerëzit e lirisë, jemi njerëzit e guximit. Dua t’ju përshëndes ju dhe liderin e opozitës, Sali Berishën.
Shqipëria ka qenë dhe është Kolumbia e dytë, malet e Shqipërisë, fushat dhe ballkonet e shtëpive, nuk është çudi të jenë të mbushura me drogë. Por ajo që më së shumti vret, është se Shqipërisë i është shtuar një tjetër epitet, nga kjo qeveri, nga kjo rilindje e korruptuar, dhe janë pikërisht plehrat, mbeturinat, të cilat kanë pushtuar çdo qytet, çdo qendër banimi, sepse ato sot janë burim korrupsioni dhe inceneratorëve që nuk ekzistojnë.
Sot, Shqipëria është një landfill i mbushur me mbeturina. Para pak ditësh denoncova një skandal, mbetjet spitalore të rrezikshme në Shkodër, të cilat nuk mblidhen më në zona të caktuara, ashtu siq është me ligj, por hidhen në kontinierët e familjarëve. Zoti, Benet Beci ka vendosur të mbyllë sytë përball këtij skandali, por une sot i bëj thirrje Prokurorisë, hap sytë dhe fillo hetimet, ço përballë drejtësisë përgjegjësit kryesor që po rrezikojnë jetën e qytetarëve shkodran” tha ajo.
