Detaje tëreja kanë dalë nga aksidenti në Vlorë, një 20-vjeçare dhe një e mitur 10 vjeçe janë përplasur nga një motor teksa ishin duke ecur në bulevardin “Ismail Qemali”.
Policia bën të ditur se drejtues i motorit ishte shtetasi me iniciale E. R., 27 vjeç, i cili po ashtu ka mbetur i plagosur.
“Rreth orës 21:45, në bulevardin “Ismail Qemali”, shtetasi E. R., 27 vjeç, duke drejtuar motomjetin, ka aksidentuar dy shtetase këmbësore, konkretisht shtetasen A. R., 20 vjeçe dhe një shtetase të mitur 10 vjeçe.
Si pasojë e aksidentit, kanë mbetur të dëmtuar lehtë dy shtetaset së bashku me drejtuesin e motomjetit, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po kryen veprimet e mëtejshme për aksidentin”, njofton policia
