Një zjarr masiv është përhapur në Malin e Velës në Lezhë dhe në masivin pyjor të Fanit në Mirditë.
Burime për media bëjnë me dije se terreni i vështirë malor dhe i thepisur po ndikon në ndërhyrjen e zjarrfikësve duke pamundësuar në këtë mënyrë shuarjen e plotë të vatrave të zjarrit.
Situata mbetet tepër e vështirë. Flakët kanë përparuar gjatë natës, të ndihmuara edhe nga era.
Forcat zjarrëfikëse e kanë pasur të pamundur ndërhyrjen.
Flakët po përparojnë drejt fshatit Kallmet.
Në ndihmë të banorëve të zonës dhe zjarrëfikësve këtë mëngjes ka shkuar edhe policia e ushtria me mjetet e saj. Është ndërhyrë edhe nga ajri me helikopter.
