Situata e zjarrit në Lezhë vijon të mbetet problematike ndonëse për të bërë të mundur shuarjen e të gjitha vatrave është punuar gjatë gjithë natës. Kreu i forcave zjarrfikëse të Lezhës, Arben Cara në një prononcim për mediat jep detajet dhe bën një bilanc të dëmeve.
“Situatë e vështirë. Është punuar gjatë gjitheë natës me të gjitha forcat zjarrfikëse.
Kemi bashkëpunuar me disa Bashki. Kemi patur forca zjarrfikëse, nga Tirana, Shkodra dhe Kruja. Vatra e zjarrit në pjesën e zonës së Vaut të Dejës vijon të jetë aktive.
Në terren janë 60 forca zjarrfikëse.
Helikopteri ka punuar për një orë, ku ka bërë të mundur fikjen e disa vatrave të zjarrit. Në terren janë dhe 50 forca operacionale të ushtrisë.
Situata aktusalisht paraqitet e qetë., është punuar gjatë gjithë natës, ndërkohë po punohet për shuarjen e atyre vatrave që kanë mbetur.
Dëmet në bimësi dhe në pyje janë të mëdha. Ndërkohë dëme tek banesat e qytetarëve dhe pronat e tyre aktualisht nuk ka.
Gjatë gjithë kohës është punuar për të mbrojtur banesat”, deklaroi Cara.
