Gazetari Osman Stafa ka vijuar denoncimet e tij për spitalin e Onkologjikut, ku sipas tij nuk mungojnë vetëm ilaçet por edhe kushtet bazë për pacientët që marrin kimioterapi.
Gazetari ka postuar në Facebook, një video ku shfaqet një poltron i prishur dhe jo funksional, ku pacienti që merr kiomioterapi, nuk mund ta mbajë dorën drejt dhe nëse pacienti duhet që t’i ngrihen këmbët lart për qarkullim gjaku më të kollajtë, me këto poltrone kjo është e pamundur.
Po ashtu sipas mesazheve që Stafës i kqanë mbërritur nga pacientët, edhe pse jemi në kulmin e vapës kondicionerët nuk punojnë dhe situata në spitalin e Onkologjikut është dramatike.
Postimi i plotë i gazetarit:
PA KOMENT! ⚠️⚠️⚠️
Mungesa e medikamenteve s’është i vetmi problem në Onkologjik.
Pacientë sot më kanë dërguar fotografi e video të poltroneve të prishur, e kondicionerëve që nuk funksionojnë.
Çfarë ndodh?
Në ditë në Onkologjik, bëhen rreth 75-85 kimioterapi.
Aktualisht Onkologjiku ka 19 poltronë ku bëhet kimiot. 13 vende në katin e parë dhe 6 në katin e tretë. Pacientët tregojnë se në katin e 3-të, 6 poltronët janë të prishur.
Ata shprehen se këto poltronë të prishur, ju vështirësojnë atyre marrjen e kimios. Kjo pasi poltronët nuk lëvizin, nuk funksionojnë. Dora e tyre nuk rri dot e mbështetur drejt, kur marrin kimiot. Dhe nëse ka ndonje shqetësim pacienti, që ndodh tek këta të sëmurë, e duhet që t’i ngrihen këmbët lart për qarkullim gjaku më të kollajtë, me këto poltrone kjo është e pamundur.
Por nuk mjafton me kaq. 2 kondicionerët që janë në këtë dhomë nuk punojnë. Pacientëve u duhet të bëjnë sauna, gjatë kohës që marrin jo pak, por kimio. Djersisin, nuk ndihen mirë, ndihen të kuputur e probleme të tjera si këto. Situata aty, sipas pacientëve është dramatike. Po piqemi të gjallë, më shkruajnë. “Shkojnë temperaturat 40 gradë, dhe ne plasim aty. Njerëzit pa asnjë problem mezi po rrinë në rrugë e kafe, ne bëjmë kimio në të tillë situatë”, – më shkruan një zonjë.
—————-
Vetëm për vitin 2023, KLSH thotë se 72 miliardë lekë janë shpërdorurar, pra kanë shkuar kot nga buxheti i shtetit. Dhe nuk ka para shteti ynë, për 2 kondicionerë dhe 6 poltronë?
Nuk kam më koment!
Tallje e madhe me pacientët që vuajnë nga kanceri.
Pse nuk flet Shefja e Onkologjikut, Silvana Çeliku, për këto? Pse i fsheh ajo të vertetat e Onkologjikut?
Por e vërteta do të dalë.
