Janë konfirmuar dy rastet e para të infektuar me “Ethet e Nilit” edhe në Qarkun e Elbasanit.
Burime bëjnë me dije se bëhet fjalë për një rast në fshatin Bujqes dhe një rast tjetër në fshatin Jagodinë. Dy personat e infektuar janë diagnostikuar rastësisht dhe se gjendja e tyre shëndetësore është e mirë.
Njeri nga te prekurit është i moshuar 74 vjeç dhe tjetri 45 vjeç. Nga strukturat e kontraktuara për këtë çështje është bere dezinfektimi i të dy fshatrave.
Në Qarkun e Elbasanit, autoritetet e shëndetësisë nuk kanë raportuar ende për situatën e të prekurve të tjerë që mund të jenë të infektuar nga infeksioni me virusin e Nilit Perëndimor, i cili është pa shenja në rreth 80% të njerëzve të infektuar.
Aktualisht në vendin tonë gjatë javëve të fundit janë identifikuar raste kryesisht në Fier, Lushnje, Kurbin etj.
