Një aksident ka ndodhur gjatë mesnatës në rrugën dytësore “Plepa-Kavajë”.
Uniformat blu bëjnë me dije se si pasojë e përplasjes ka humbur jetën 63-vjeçari me iniciale L.D.
“Rreth orës 00:50, në rrugën dytësore “Plepa-Kavajë”, dyshohet se një automjet ende i paidentifikuar ka aksidentuar shtetasin këmbësor, L. D., 63 vjeç, i cili si pasojë ka humbur jetën.
Shërbimet e Policisë po punojnë për identifikimin dhe kapjen e autorit. Ndërkaq, grupi hetimor po punon për zbardhjen e rrethanave të rastit“, njofton policia.
