Një aksident automobilistik është regjistruar pasditen e kësaj të mërkure në vendin e quajtur “Ura e Qytetit” në Bulqizë.
Mësohet se drejtuesi i një automjeti tip “Benz” ka humbur drejtimin e mjetit duke dalë nga rruga dhe për pasojë makina është kthyer përmbysë. Si pasojë e aksidentit kanë mbetur të plagosur drejtuesi i mjetit dhe pasagjeri, të cilët janë dërguar në spital.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
