Duket se “telenovela” Armando Broja po shkon drejt mbylljes. Sulmuesi i Shqipërisë pritet të transferohet në formën e huazimit nga Chelsea tek ekipi i sapongjitur në Premier Leagues, Ipswich Town.
Mediat britanike raportojnë se trasnferimi pritet të mbyllet në 24 orët e ardhshme, teksa palët po diskutojnë dhe detajet e fundit të kontratës, sa i përket të drejtës së blerjes, e cila flitet se pritet të jetë rreth 30 milion paund.
Emri i Brojës është folur gjatë gjithë kësaj merkatoje, duke e lidhur me shumë klube si në kampionatin anglez, po ashtu edhe në Italim Francë apo edhe Turqi. Madje për të u raportua në media se interesoheshin edhe ekipe si Everton, Juventus, Milan dhe Borussia Dortmund.
Armando Broja do të bëhet nënshkrimi i 10-të i verës për Ipswich Town pas Aro Muric, Ben Johnson, Jacob Greaves, Conor Tosnsend, Kalvin Phillips, Jens Cajuste, Omari Hutchinson, Sammie Szmodics dhe Delap.
22-vjeçari do t’i japë më shumë forcë dhe potencë repartit ofensiv të ekipit anglez që përfshin Liam Delap, George Hirst (do të vuajë një dëmtim në gju deri në tetor), Ali Al-Hamadi dhe Freddie Ladapo, i cili ka dalë në shitje.
Broja e kaloi gjysmën e dytë të sezonit të kaluar si i huazuar te Fulham, ku ngeci në stol për shkak të superformës së Rodrigo Muniz.
Në fillim të këtij sezoni numri i tij 19 te Chelsea i kaloi blerjes më të re, Pedro Neto, ndërsa në “Stamford Bridge” pritet të mbërrijë edhe Joao Felix.
Kalimin e Armando Brojës tek Ipswich Town e ka konfirmuar edhe gazetari i njohur sportiv Fabrizio Romano në platformën “X”, ku sipas tij, transferimi është thuajse i finalizuar.
Ipswich Town are finalising deal to sign Armando Broja with medical tests booked!
Season long loan from Chelsea, salary covered… understand clubs are now discussing a buy clause that could also be mandatory.
Deal almost closed, as @Stuart_Watson says.
Here we go, soon ⏳ pic.twitter.com/RiAEJFC4UY
— Fabrizio Romano (@FabrizioRomano) August 20, 2024
