Një ngjarje e rëndë u shënua mbrëmjen e sotme në Velipojë, ku pas një një koflikti banal, dy të rinj u vranë me armë zjarri.
Edhe pse Ardis Ishmi dhe Ersid Hoxha, u transportuan me urgjencë në spital, ata nuk kanë mundur t’i mbijetojnë plagëve.
Ngjarja ka ndodhur në afersi të stacionit të autobusëve të Velipojës.
Ndërkohë, policia është në vendngjarje dhe po heton për zbardhjen e plotë të rrethanave
Policia: Autorët janë dy vëllezërit Eduard dhe Gëzim Frroku
Policia e Shkodrës ka dhënë detaje zyrtare mbi ngjarjen e rëndë në Velipojë, ku si pasojë e të shtënave me armë zjarri, mbetën të vdekur shtetasit Arsid Hoxha dhe Ersild Ishmi.
Blutë bëjnë me dije se autorë të ngjarjes janë dy vëllezër, Eduard dhe Gëzim Frroku, të cilët kanë hapur zjarr pas një konflikti për motive të dobëta.
Policia thekson n dy vëllezërit janë shpallur në kërkim, ndërsa është ngritur një grup i posaçëm hetimor i cili ndodhet në vendngjarje dhe po vijon punën për sigurimin e provave me qëllim dokumentimin ligor të kësaj ngjarjeje.
Njoftimi:
Velipojë/Informacion paraprak
Më datë 19.08.2024, rreth orës 21:00, në Velipojë, dyshohet se për motive të dobëta, dy vëllezërit E.F., dhe G. F., dyshohet se kanë plagosur me armë zjarri shtetasit A. H., dhe E. I, të cilët u transportuaan menjëherë për ndihmë mjekësore në Spitalin Rajonal të Shkodër por si pasojë e plagëve të marra humbën jetën në spital.
Me marrjen e njoftimit, kanë shkuar menjëherë në vendngjarje, shërbimet e Drejtorisë Vendore të Policisë Shkodër, Drejtuesit e Drejtorisë dhe të Komisariatit të Policisë Shkodër, si grupe të Forcës Kombëtare të Sigurisë, Njësia Shkodër.
Njëkohësisht është ngritur një grup i posaçëm hetimor i cili ndodhet në vendngjarje dhe po vijon punën intensive në bashkëpunim me Prokurorinë për sigurimin e provave me qëllim dokumentimin ligor të kësaj ngjarjeje.
Vrasja në Velipojë, Drejtori i Policisë së Shkodrës: Autorët dhe viktimat kishin konflikt mes tyre
Drejtori i Policisë së Shkodrës, Edmond Sulaj, dha detaje për mediat mbi vrasjen e dyfishtë që tronditi Velipojën mbrëmjen e së hënës.
“Mendohet se shkak i këtij konflikti është një debat mes dy viktimave dhe pronarëve të hotel “Lakaj”, Eduart dhe Gëzim Frroku. Debati ka ndodhur në 28 qershor të këtij viti, mes kamarierit dhe kuzhinierit të këtij lokali”, tha Sulaj.
Arsid Hoxha dhe Ersild Ishmi u qëlluan me armë zjarri dhe humbën jetën në spital nga plagët e marra.
