Një 19-vjeçar italian ka humbur jetën në Spitalin Rajonal të Shkodrës pasi dy mjete lundruese Jet Ski u përplasën me njëra-tjetrën në plazhin e Velipojës.
Viktimë ka mbeturt shtetasi italian i identifikuar Nicola Loro, i cili fillimisht u dërgua në Spitalin Rajonal të Shkodrës por nuk ka mundur t’i mbijetojë plagëve të rënda.
Uniformat blu bëjnë me dije se të dy mjetet lundruese Jet Ski u bllokuan nga shërbimet e Policisë Kufitare.
“Në lidhje me informacionin e dhënë më parë, për një përplasje mes dy mjeteve lundruese Jet Ski, në thellësi të plazhit të Velipojës, rreth një milje larg nga perimetri i sigurisë, ju bëjmë me dije se shtetasi italian N. L., 19 vjeç, ka humbur jetën në Spitalin Rajonal të Shkodrës. Grupi hetimor në drejtimin e Prokurorisë së Shkodrës, po vijon punën për zbardhjen dhe dokumentimin e rrethanave të këtij rast.
Në plazhin e Velipojës, në thellësi të detit rreth 1 milje jashtë përimetrit të sigurisë, dyshohet se si pasojë e manovrave të gabuara, janë përplasur dy mjete lundruese Jet Ski, të drejtuara nga dy shtetasit italian N. L., 19 vjeç, dhe S. D., 20 vjeç. Të dy mjetet lundruese Jet Ski u bllokuan nga shërbimet e Policisë Kufitare”, njofton policia.
Lexo edhe:
Përplasen dy “Jet Ski” në plazhin e Velipojës, një 19-vjeçar përfundon në spital
