Presidenti i PL-së riktheu tonet e ashpra sot në mbledhjen e Kryesisë së partisë, duke sulmuar kreun e SPAK, Altin Dumani dhe kryeministrin Edi Rama. Këtij të fundit i përmendi tokat në Gjipe, duke i thënë se nuk do t’i gëzojë.
“Ti Ramoviç fëlliqësirë e kombit shqiptar. Ti që bëre dopjo lojë me atë tjetrin me detin. Ti që i ngul çdo ditë thika pas shpine Kosovës ta dish mirë që ato laraskat e ish LSI nuk të shpëtojnë dot ty. Edhe shumë shpejt do përgjigjesh. Ti dhe gjithë enturazhi yt për shërbimet armiqësore ndaj këtij kombi. Në Shqipëri është garë e madhe për tu shitur si parti atlantike, ne jemi parti patriotike. Ne luftojmë për parimet vlerat, moralin e gjyshërve tanë. Që për një fjalë luftonin në Vlorë. Që nuk kishin pension dhe për një fjalë luftonin për Shqipërinë. Ne nuk kemi parimet tuaja. Dhe ato tokat që more në Gjipe dhe në gjithë Shqipërinë nuk do ti gëzosh. Shqipëria do të jetë e shqiptarëve, ta dish mirë ti. Kaq flasim për sot”, tha Meta.
