Ukraina e zhvendosi luftën brenda Rusisë ditët e fundit dhe presidenti ukrainas Volodymyr Zelenskyy konfirmoi lëvizjet e ushtrisë së tij për ta “çuar luftën në territorin e agresorit” me sulmet në rajonin e Kurskut në Rusi.
Së fundmi nga ana tjetër, Vladimir Putin është shfaqur i shqetësuar. Ai po kërkon me ngulm ndihma dhe armatime ushtarake dhe po i drejtohet vendeve si Irani dhe Koreja e Veriut.
Ndaj zhvillimeve të fundit ka reaguar zëdhënësi i Këshillit të Sigurisë Kombëtare të Shtëpisë së Bardhë, John Kirby duke i bërë thirrje Putinit të heqë dorë nga lufta ndaj Ukrainës.
“Kjo është e rrezikshme, padyshim, për popullsinë e Ukrainës, duke pasur parasysh se raketat vazhdojnë të bien mbi ta dhe infrastrukturën e tyre energjetike. Është gjithashtu e rrezikshme për rajonin Indo-Paqësor.
“Kjo është lufta e Putinit ndaj Ukrainës dhe nëse nuk e pëlqen atë, atëherë ka një zgjidhje të thjeshtë: ai mund të largohet nga Ukraina dhe të përfundojë luftën”, theksoi ai.
