Carlo Ancelotti ka publikuar listën e lojtarëve të thirrur për ndeshjen e parë zyrtare të Real Madridi në sezonin e ri.
Një ndeshje as më shumë e as më pak se finalja e Superkupës së Europës, që “Los Blancos” do të luajnë ndaj Atalantës në Varshavë (14 gusht, ora 21:00).
Pa dyshim, lajmi i madh në këtë listë është Mbappe, i cili bën debutimin e tij në një grumbullim për Real Madrid. Diçka që ndodh edhe me Endrick, një tjetër nga fytyrat e reja të Real Madridit këtë sezon.
Ancelotti ka thirrur 22 lojtarët e ekipit të parë, mes të cilëve edhe Alaba i dëmtuar. Italiani ka nominuar edhe lojtarët e rinj, portierin Fran dhe qendërmbrojtësin Jacobo Ramón. Real Madridi do të udhëtojë për në Varshavë nesër në mëngjes.
Lista e lojtarëve:
Portierë: Courtois, Lunin dhe Fran.
Mbrojtës: Carvajal, Militão, Alaba, Lucas V., Vallejo, Fran García, Rüdiger, F. Mendy dhe Jacobo.
Mesfushorë: Bellingham, Camavinga, Valverde, Modrić, Tchouameni, Arda Güler dhe Ceballos.
Sulmues: Vini Jr., Mbappé, Rodrygo, Endrick dhe Brahim.
