Tirana nis sot javën anti-Laçi. Nga e hëna trajneri Bledi Shkëmbi do të mendojë për të ardhjen dhe ndeshjen e datës 19 gusht. Jo më kot trajneri ka lënë pushim të gjithë titullarët e mundshëm që do të luajnë nga minuta e parë në Laç.
Mbetet për t’u parë nëse do të luajë nga fillimi Përgjoni dhe Jaku. Këtë javë me shumë mundësi vendoset edhe për të ardhmen e disa lojtarëve, nëse do të qëndrojnë në ekip apo jo.
Sytë edhe nga merkatoja me drejtorin Ibraimi që ka detyrën për të gjetur liderin e skuadrës që kërkon Bledi Shkëmbi. Kujtojmë që Tirana deri tani ka luajtur dhjetë takime miqësore e zyrtare ku ka fituar 3, ka barazuar 4 e ka humbur tri sfida të tjera.
