Pas fitores së medaljes së bronzit në Lojërat Olimpike, të përfaqësuesit të Shqipërisë, Islam Dudaev, ka reaguar kreu i PD, Sali Berisha, i cili në një postim në rrjetin social “Facebook”, e ka përshëndetur këtë fitore, ku i shpreh mirënjohjen dhe përgëzimet për këtë sukses të mundësit në “Paris 2024”.
Berisha shkruan:
Medalja e dytë olimpike në mundje për Shqipërinë.
Një urim të përzemërt mundësit Ismail Dudaev për suksesin e shkëlqyer që arriti pas atij që arriti dje mundësi tjetër Valiev. Mirënjohje dhe përgëzime për të dy dhe trajnerit të tyre për këtë rezultat shumë të veçantë!
Pas medaljes së fituar nga Valiev një ditë më parë, ekipi olimpik shqiptar fiton një tjetër medalje bronzi në Paris 2024
Dudaev u ripeshkua, pasi u mposht në çerekfinale një ditë më parë. Ai u kualifikua për në finale pasi rivali amerikan u tërhoq nga gara dhe në finale mposhti rivalin hungarez 13-12, duke fituar medaljen e bronztë, medaljen e dytë për Shqipërinë në historinë e Lojërave Olimpike.
