Imane Khelif, fitoi dy ditë më parë medaljen e artë në boksin për femra në Lojërat Olimpike teksa mposhti në finale kinezen Yang Liu.
Khelif i mundi të gjitha gratë kundërshtare duke arritur këtë fitore të rëndësishme, gati 2 vjet pasi Federata Botërore e Boskit i hoqi një titull pas dyshimeve se ajo ishte transgjinore.
Ndërkohë pas medaljes së artë, Khelif nis betejën ligjore: Padi për ngacmim kibernetik! Imane Khelif, ka paraqitur një padi në Paris për ngacmim të rëndë kibernetik, duke pretenduar se ka qenë viktimë e polemikave, të përforcuara në internet, për çështje që lidhen me gjininë e saj.
Këtë e ka bërë të ditur avokati i Khelif, Nabil Boudi. “Sapo ka marrë medaljen e artë, boksieria ka vendosur të nisë një betejë të re atë të drejtësisë, dinjitetit dhe nderit”. -shkruan avokati në një deklaratë.
Avokati shton se “paraqiti sot një kallëzim për ngacmim të rëndë kibernetik pranë prokurorit të ngarkuar për luftimin e gjuhës së urrejtjes në internet në prokurorinë e Parisit”.
