Eddie Nketiah pritet të largohet nga Arsenal në drejtim të Olympique Marseille dhe “Topçinjtë” janë në kërkim të një zëvendësuesi për të përforcuar sulmin.
Sipas mediave të huaja në radarët e klubit anglez është vënë Armando Broja, me sulmuesin shqiptar që është shumë pranë largimit nga Chelsea.
Mediat pranë klubit londinez bëjnë me dije se trajnerin Mikel Arteta ka dërguar skautët e tij drejt kampit të Chelseat për të mësuar më shumë rreth Brojës, të cilin e shohin si zëvendësuesin kryesor të sulmuesit anglez.
Gjithsesi gjërat pritet të mos jenë të lehta, duke parë dhe rivalitetin historik mes Chelseat dhe Arsenalit, me “Blutë” që nuk duan të përforcojnë një rival në kampionat.
22-vjeçari shqiptar është një nga emrat më të lakuar të merkatos së verës teksa shumë klube kanë shfaqur interes për shërbimet e tij, ndërsa e ardhmja e tij mbetet intriguese.
