Kreu i PD-së, Sali Berisha, gjatë fjalës së mbajtur në tubimin e sotëm, ka patur një thirrje dhe në lidhje me partnerët ndërkombëtar.
Berisha iu drejtua ndërkombëtarëve se pavarësisht dramës që krijuan me reformën në drektësi, të paktën të mos vazhdojnë më të mbështesin kryeministrin Edi Rama.
Lideri demokrat u tha ndërkombëtarëve se të mos tallen më me shqiptarët, që sipas tij, në qytetarët e vetëm në Europë, të cilët janë me drejtësi të munguar.
Sali Berisha: Qytetarët shqiptarë janë qytetarët e vetëm në Europë, të cilët janë me drejtësi të munguar. Shteti ligjor në Vietnamin e diktaturës komuniste është 4 kate mbi shtetin ligjor të mobokracisë së Shqipërisë, anëtare e NATO-s, kandidate e BE, turpi, faqja e zezë e Europës dhe e botës. Qytetarët shqiptarë janë të vetmit që për një vendim drejtësie, duhet të presin 14.6 vite dhe si shpërblim marrin mesazhe se ne mbështesim drejtësinë e re. Se ne kemi besim te drejtësia e re. Zotërinj, të nderuar partnerë, mos u tallni më me shqiptarët. Për çfarë drejtësie bëni fjalë ju? Për drejtësinë që për të marrë vendimin në gjykata, duhet të presë 14 vite shqiptari? Po të paktën këtë mos e bëni. Për cilën bëni fjalë ju? Kur kryeministri, i ka vënë drynin Gjykatës Kushtetuese, vendimet e të cilës janë norma kushtetuese në doktrinën e të drejtës. Zotërinj, në qoftë se nuk gjeni forcë të realizoni dramën që u krijua me drejtësinë, të paktën mos vazhdoni të mbështesni Edi Ramën. Të mbështesni Edi Ramën se shqiptarët po qeshin dhe bota do qeshë me ju.
