Persona të paidentifikuar kanë qëlluar me armë në drejtim të një pike karburanti në Tropojë dhe ambienteve të tjera në pronësi të 43-vjeçarit, me inicialet Sh. D.
Ngjarja ka ndodhur ditën e djeshme dhe fatmirësisht nuk ka njerëz të plagosur, por vetëm dëme materiale.
“Më datë 07.08.2024, në Fierzë, në drejtim të pikës së karburanit dhe ambientit ndihmës, në pronësi të shtetasit Sh. D., 43 vjeç, banues në Fierzë, është qëlluar me armë zjarri, duke shkaktuar vetëm dëme materiale.
Shërbimet e Policisë, me marrjen e njoftimit, shkuan menjëherë në vendngjarje dhe vijojnë kontrollin e zonës, për kapjen e autorit/ve.”- njofton policia.
Grupi hetimor në drejtimin e Prokurorisë, vijon punën për sqarimin e rrethanave dhe sigurimin e provave me qëllim dokumentimin ligjor të rastit.
