“Bingo” për Egnatian në këtë merkato vere. Ish-mesfushori, Hamzat Ojerdiran, i cili në vitin 2022 u aktivizua 10 ndeshje me fanellën rrogozhinase, ditën e sotme u transferua te skuadra franceze e Lens, nga Debreçeni për 1.8 milionë euro.
Egnatia në momentin e kalimit të nigerianit te skuadra hungareze, mbajti 15 % të kartonit, teksa tashmë do të arkëtojë plot 250 mijë euro.
Një shifër e konsiderueshme kjo që pritet të mbushë akoma më shumë arkat e klubit rrogozhinas.
Edhe pse shumëkush mund ta kishte harruar mesfushorin 20-vjeçar, ai arriti të shndërrohej në një “xhevahir” të vërtetë, duke bërë kështu një hap të madh në karrierë.
