Deputetja e Partisë Demokratike, Albana Vokshi ka reaguar mbi lajmin e publikuar nga “Boldnews.al”, se Këshilli i Rregullimit të Territorit (KRRT) me firmën e kryeministrit Edi Rama i miratoi lejen kompanisë “CFO Pharma” të Nadir Caushollit për të ndërtuar objektin: “Agropylltari, bujtina dhe fermë në funksion të agropylltarisë”.
Kjo “dhuratë” nga kreu i qeverisë për Caushollin vjen pa kaluar dy javë nga vendimi i APP-së, që e përjashtoi kompaninë farmaceutike “CFO Pharma” për një vit nga përfitimi i kontratave publike, për shkak të abuzimeve në një procedurë tenderuese të zhvilluar nga Spitali Psikiatrik i Vlorës.
Në një postim në rrjetet sociale, Vokshi e konsideron këtë si suksesin e modelit të Qeverisë Rama, që sipas saj, Nadir Causholli, sa herë që shkel ligjin, merr diçka më të madhe nga Rama dhe Veliaj
Deputetja demokrate shton më tej se Ramës dhe Veliajt nuk i përbën problem që Causholli është dënuar për abuzim me barnat e rimbursuar dhe ka ngritur një perandori me mashtrime, falsifikime, barna të skaduara, mashtrime në tendera.
Reagimi i plotë:
“Ky është modeli i suksesit të qeverisë Rama!!
Nadir Causholli, edhe pse u dënua për abuzim me barnat e rimbursuar, ka ngritur një perandori me mashtrime, falsifikime, barna të skaduara, mashtrime në tendera… por sa herë shkel ligjin, merr dicka më të madhe nga Rama dhe Veliaj.
Nuk mjaftohet me farmaceutikën!
Ka marrë nga Veliaj transportin me autobuzë të cilët në të paktën dy raste janë rrëzuar apo shkaktuar përplasje me mjete të tjera…
Edhe pse pak ditë më parë u përjashtua nga APP për mashtrim në tendera, kjo nuk përbën asnjë problem për Ramën që i ka firmosur licensë për agroturizëm…”
LEXO EDHE:
“CFO Pharma” u përjashtua nga tenderat për mashtrim, Rama i jep leje për agroturizëm
Vendimi/ CFO Pharma e Nadir Çaushollit përjashtohet nga tenderat, mashtroi autoritetet
