Pasi dritat fiken dhe është koha për të mbyllur sytë, ka të ngjarë të zini të njëjtin pozicion gjumi natë pas nate.
Ju mund ta gjeni veten të shtrirë në shpinë, në stomak, në anën e djathtë ose të majtë.
Pyetja që shpesh njerëzit bëjnë është nëse ka rëndësi pozicioni i gjumit gjatë natës.
Dhe përgjigjia është se ka disa faktorë të tjerë që duhet të merren parasysh.
Qëllimi duhet të jetë rehatia dhe gjumi i qetë, e më pas pozicioni, thonë ekspertët.
Por duhet të dini se nevoja për të fjetur në një pozicion të caktuar mund të ndryshojnë me moshën,shqetësimet e ndryshme shëndetësore dhe shtatzëninë.
Ky artikull sjell më poshtë një këndvështrim rreth avantazheve dhe të metave të mundshme të pozicioneve të fjetjes gjatë natës.
Gjumi në shpinë
Gjumi në shpinë është më i miri për shtyllën kurrizore dhe kyçet.
Ekspertët e konsiderojnë këtë pozicion si më të mirin sidomos nëse bëhet fjalë për dhimbjen e shpinës.
Zgjedhja për të fjetur në shpinë ju ndihmon gjithashtu të shmangni rrudhat që krijohen nga kontakti me jasëkun.
Megjithatë, ky pozocion nuk është i përshtatshëm për të gjithë.
Për njerëzit që kanë tendencë të gërhasin, ky nuk është poszicioni më mirë, pasi mund të rrisë më shumë mundësinë e gërhitjes.
E njëjta gjë vlen edhe për ata që kanë apnea obstruktive të gjumit, e cila shkakton ndërprerje të përsëritur të frymëmarrjes gjatë gjumit dhe mund të shkaktojë edhe komplikacione më të rënda.
Gjumi në shpinë gjithashtu mund të shkaktojë simptoma të sëmundjes së refluksit gastroezofageal. Nëse flini në shpinë, por keni refluks acidi, provoni të ngrini shtratin tuaj.
Gjumi në anë
Për njerëzit që priren të gërhasin ose ata me apnea të gjumit, gjumi në anë është alternativa më e mirë.
Kjo sepse pozicioni nuk pengon ose ushtron ndonjë presion mbi organet tuaja.
Për të njëjtën arsye të fjeturit në anë është pozicioni ideal gjatë shtatzënisë dhe ndihmon gjithashtu edhe për të mbajtur rrugët e frymëmarrjes të lira.
Megjithatë, të fjeturit në anë mund të ushtrojë presion mbi shpatullat dhe ijet tuaja, duke shkaktuar dhimbje.
Dhe me kalimin e kohës, gjumi në anë mund të shkaktojë vija të holla në lëkurë të cilat do të shndërrohen në rrudha.
Gjumi në stomak
Ky është një pozicion tjetër që nuk është ideal nëse po kërkoni të shmangni rrudhat.
Plus që ju mund ta pozicionon qafën në një qëndrim jo komod dhe të ndieni më pas dhimbje.
Vendosja e jastëkëve mund të ndihmojë me këto probleme.
Megjitatë ky pozicion mund të zvogëlojë gërhitjen dhe simptomat e apnesë së gjumit. /AgroWeb.org
