Mjeku Erion Dasho, gjatë një lidhje në Skype, me protestën e mbrëmjes së sotme ku kërkohet lirimi i kryedemokratit Sali Berisha, tha se koncensionet në Shëndetësi janë një gangrenë e Rilindjes që përpiqet të vjedhë ku të mundë, paratë e shqiptarëve.
Më tej ai tha se koncensionet në shëndetësi janë mashtruese, pasi fitimet përrallore të oligarkëve sigurohen në kurriz të qytetarëve shqiptarë.
Dasho i bëri thirrje Ramës, që të ndalë presionet e patronazhistëve ndaj liderit të opozitës, Sali Berisha në rrjetet sociale, ndërsa e paralajmëroi se një ditë do të japë llogari sëbashku me Manastirliun dhe Koçiun.
“Është analizuar në detaje sot në një artikull, koncensioni i check up, dhe kanë dalë disa fakte të tmerrshme 580 mijë analiza të paguara pa u kryer 8.5 mln euro, normë fitimi rreth 2 mln euro në vit, pa asnjë rrisk, se është marrë e përballohet nga buxheti i shëndetësisë, nga ato që duhet të trajtoheshin shqiptarët e sëmurë dhe qytetarët.
Koncensioni i laboratorëve 66 mln euro, e përmedi vlerën totale të koncensionit Manastirliu , më shumë së 150 mln, sterilizimi mbi 100 mln euro, fituar nga një kompani me kapital 1 mijë euro. Kush janë këta oliogarakë me fitime përrallore në kurriz të shëndetit të qytetarëve shqiptarë. Janë këta ngrënës dardhash siç i cilëson ti Borat dhe hajdutët e tjerë rreth teje?! Jo, s’mund të jenë këta ngrënës dardhash, sepse s’mundet të ketë fitime 30 përqind, nuk mundet që një kompani me vlerë 1 mijë euro të fitojë një tender 100 mln euro, nuk mundt që një kompani të fitojë tender 6 muaj para se të krijohet pa pasur në mes dhe pa pasur bashkëpunimin tënd dhe të hajdutëve të tu më të afërm Borat.
Nuk mundet që këta norma fitimi përrallore të shkojnë te një grup oligarkësh. Ato vijnë edhe në xhepat e hajdutëve të rilindjes, sepse u duhen para për të blerë vota, për të fituar zgjedhje, siç i fituat në Himarë. Ju duhen para për të paguar patronazhistët dhe të gjithë sufllaqexhinjtë që sot si hiena rrinë te fb i dr.Berishës dhe te fb e llogarive të tjera në rrjetet sociale të demokratëve për të vjellë vrer.
Ju Borat, ju tmerron rrruga e shpresës, ju tmerron qëndresa që bëhet në këtë rrugë. Sepse në këtë rrugë Borat, kanë kaluar 200 ditë duke përmendur të gjithë zullumet e tua dhe enturazhit tënd. S’kanë të mbaruar hajdutëritë, s’kanë të mbaruar tmerret, mashtrimet, vjedhjet, grabitjet që u keni bërë shqiptarëve.
Prandaj keni ndërsyer patronazhistët dhe sufllaqexhinjtë te fb i doktorit, sepse doni të shuani ato zërat e fundit që u kanë ngelur qytetarëve shqiptarë, doni të shuani atë të vërtetë që ka ngelur ende pa u thënë. Përpjekja juaj është e dështuar, do jepni llogari për çdo qindarkë që u keni vjedhur qytetarëve shqiptarë, Ju Borat, do të jepni llogari. Ti, Manastirliu, Koçiu, do i bëni shoqëri Beqajt te vendi ku është. Shqipatrët do të dënojnë ty dhe eskortën tuaj hajdute në zgjedhjet që do vijnë”, tha Dasho.
