Gjykata e Fierit ka dënuar me 1 vit burgim kryeinspektorin e IMTV-sës së Bashkisë së Divjakës, shtetasin R.L.
Ai është shpallur fajtor për veprën penale “shpërdorim detyre”, në lidhje me lejimin e ndërtimeve pa leje.
Gjatë hetimeve të Prokuroris së Fierit ka rezultuar se, shtetasi R.L, me detyrë Kryeinspektori i IMTV Bashkia Divjakë, me mosveprimet e tij dhe duke mos përmbushur detyrën funksionale, nuk ka paraqitur kallëzim për rastet e ndërtimeve të paligjshme duke vepruar në kundërshtim me parashikimet e ligjit “Për inspektimin dhe mbrojtjen e territorit nga ndërtimet e kundërligjshme” dhe ligjit“Për planifikimin dhe zhvillimin e territorit”.
Sipas organit të akuzës, këto veprime përbëjnë mospërmbushje të rregullt të detyrës dhe kanë sjellë dëmtimin e interesave të ligjshëm të shtetit.
