Riccardo Calafiori është tashmë një lojtar i Arsenalit. “Topçinjtë” zyrtarizuan këtë të hënë nënshkrimin e mbrojtësit italian, një prej lojtarëve më të lakmuar në këtë merkato.
Klubi londinez i pagoi Bolognës rreth 50 milionë euro për shërbimet e 22-vjeçarit italian, i cili firmos deri në vitin 2029.
Kjo do të jetë eksperienca e dytë e Calafiorit jashtë Italisë, pasi më parë ka përfaqësuar Baselin e Zvicrës në 2022/2023.
Sezonin e kaluar, ai luajti 33 ndeshje, ku shënoi dy gola dhe pesë asistime, për Bologna, që ishte skuadra sensacionale në Serinë A.
