Ish-zvkryeministri Arben Ahmetaj u rikthye sonte në studion e syritv për të folur për akuzat nga mediat që kontrollohen nga kryeministri Edi Rama.
I pyetur nëse është në alert dhe ndjehet i tërhequr, Ahmetaj tha se do i shkojë të drejtës deri në fund.
Ai ndjehet i zhgënjyer edhe nga kolegët e tij socialistë të cilët as nuk morën mundimin që të lexojnë dosjen por dëgjuan Ramën kur tha: “Mirë ja bëmë maskarait”.
Ahmetaj i sugjeroi kreut të SPAK Altin Dumanit që të mos e mbajë personale me të sepse është shkelje themelore e integritet të punës.
“Per ti kthyer reston ligjore te gjitheve atyre qe kane shkelur ne menyre te paligjshme pragun e shtepise time do marrin pergjigjen e tyre deri ne fund. Jam i bindur per pafajesine time. Altin Dumani ka sajuar.
PS e kam aty ku duhet, me ate krijese jam rritur qe femije, ndaj duhet te bejme diferencen ndaj PS dhe Edi Ramës.
Une nuk ankohem per PS, por si ka mundesi qe koleget e mi nuk lexuan dosjen qe solli Altin Dumani. Rama iu referua “dosje voluminoze”, por se kanë lexuar dosjen. Por pas heqjes se imunitetim tim thane mire ja bene maskarait, më quanin të poshtër.
Por shkuan më tej, u akuzua ish-bashkeshortja dhe bashkeshortja ime sot me akuze per pastrim parash. Nje avokat ka thene se eshte i vetmi rast ne boten demokratike ku akuzohet e gjithe familja. E zeme se eshte e vertetë? Po kush i ka bere une apo ato? Ky sshte persekutim familjar.
Çfarë arsye ka Altin Dumani ta ketë personale me mua? Është shprehur se i kam bërë karshillik Ramës, por çfarë i duhet atij.
I sugjeroj Dumanit që të mos e mbajë personale me mua sepse është shkelje themelore e integritet të punës.
SPAK nuk është drejtësia, por gjykatat.”– tha Ahmetaj.
