Edhe në fjalën e mbajtur në Kongresin e PS-së, kryeministri Edi Rama nuk e ka shmangur dot kreun e opozitës Sali Berisha.
Rama tha se ata nuk janë të pafajshëm në gjendjen që ka arritur sot opozita, teksa shtoi se Berisha e ka kthyer PD-në në një cisternë të ndryshkur helmi.
Edi Rama: Për këdo që e sheh politikën si mundësi për të kuptuar ç’po ndodh e çfarë mendojnë ata që janë të përfshirë, mundësi për të bërë punë të mira e jo për të hedhur helm fjalësh të liga për të tjerët. Ne mund të gjejmë shumë arsye për të thënë se ai konflikt skandaloz, në atë mexheliz që është prekja e përjavshme e nivelit më të ulët e sjelljes publike nuk është faj ynë, por nuk jemi të pafajshëm. Faji ynë nuk është se jemi burimi i konfliktit, dihet që burimi është i njëjti që doli nga të thellat e historisë së trishte të shqiptarit kundër shqiptarit që kur nisi jeta pluraliste në Shqipëri. I njëjti që mori peng Shqipërinë sapo ajo u vetëshpall shtet në 1912 e që tanimë e ka katandisur PD-në në një cisternë të ndryshkur helmi që si bën më punë as dreqit të vet. I njëjti që e ndot ajrin e jetës politike, duke çoroditur këtë që thith atë ajër.
I njëjti që helmon përditë turmën e tij të tkurrur si një sy i verbuar nga drita. Faji ynë është se jo vetëm, nuk e kemi bërë dot dallimin e bartësit të konfliktit, por as nuk e kemi bërë të gjithë përpjekjen e duhur por ta bërë të qartë këtë dallim të domosdoshëm. Jeta parlamentare nuk është vetëm arena e seancave, as nuk nis dhe mbaron dhe dhomat e grindjeve të komisionit. Karrigia dhe tryeza e kuvendit janë për tu ulur për vendimmarrjen. Por detyrat e deputetit maten me km e ecur në këmbë, aty tek zgjedhësit
