Një ngjarje e rëndë ka ndodhur në një familje në Elbasan. Nga të dhënat e para mësohet se pas një sherri në famije, burri qëllon me thikë bashkëshorten e tij.
Ngjarja ka ndodhur në lagjen “Qemal Stafa”.
Autori është arrestuar nga policia, ndërsa gruaja është dërguar në spital.
Ende nuk bëhet të ditura shkaqet e konfliktit mes çiftit.
Policia në vendngjarje vijon hetimet mbi shkaqet e ngjarjes së rëndë.
Elbasan
Plagosi me mjet prerës për motive të dobëta ish bashkëshorten e tij, kapet dhe shoqërohet në Polici 53-vjeçari.
Sekuestrohet mjeti prerës të cilin autori e kishte hedhur në një kopsht në afërsi të vendngjarjes.
Shërbimet e Komisariatit të Policisë Elbasan pas marrjes së njoftimit se një shtetase ishte dëmtuar me mjet prerës, në rrugën “Tomorr Sinani”, kanë shkuar menjëherë në vendngjarje.
Shërbimet e Policisë kanë identifikuar, kapur dhe shoqëruar në Polici autorin e dyshuar shtetasin A. B., 53 vjeç, banues në Elbasan.
Ky shtetas dyshohet se rreth orës 21:15, për motive të dobëta, ka plagosur me mjet prerës (thikë), ish bashkëshorten e tij, 48 vjeçe, e cila ndodhet në kujdesin e mjekëve, jashtë rrezikut për jetën.
Policia gjeti të fshehur në afërsi të vendngjarjes mjetin prerës, i cili u sekuestrua në cilësinë e provës materiale.
Grupi hetimor po punon për zbardhjen e rrethanave dhe dokumentimin ligjor të rastit.
