Klubi i Flamurtarit ka bërë lëvizjen e radhës teksa ka zyrtarizuar mesfushorin Ali Adem, i cili vjen nga kampionati i Maqedonisë së Veriut.
Mesfushori 24-vjeçar, ka luajtur në 3 vitet e fundit te skuadra e Shkupit, por tashmë ka zgjedhur që t’i bashkohet kuqezinjve që kanë bërë një seri goditjesh në merkato për të përforcuar ekipin e drejtuar nga Andrea Agostineli, me qëllimin për t’u ngjitur në Superiore.
Pritet që Adem të jetë një alternativë më shumë për mesfushën e kuqezinjve, të cilët nuk kanë ndalur merkaton dhe janë ende në kërkim të përforcimeve të tjera.
Me merkaton e kryer deri më tani, skuadra vlonjate konsiderohet pa dyshim ekipi favorit për të siguruar një biletë për në Superligë.
