Katër persona janë arrestuar ditën e stome në Ksamil. Mësohet se A. M., 28 vjeç, A. M., 21 vjeç, M. N., 40 vjeç dhe V. M., 18 vjeç, kanë përplasur makinat me njëri-tjetrin dhe më pas janë konfliktuar.
Gjatë kontrollit në automjetet e tyre, tip “Audi” dhe “Nissan”, shërbimet e Policisë gjetën dhe sekuestruan dy shufra hekuri dhe dy kaçavida.
“Komisariati i Policisë Sarandë arrestoi në flagrancë shtetasit A. M., 28 vjeç, A. M., 21 vjeç, banues në Delvinë, M. N., 40 vjeç dhe V. M., 18 vjeç, banues në Gjirokastër, pasi më datë 25.07.2024, në Ksamil, për motive të dobëta, kanë përplasur me njëri-tjetrin, 2 automjetet me të cilat qarkullonin dhe më pas janë konfliktuar fizikisht. Gjatë kontrollit në automjetet e tyre, tip “Audi” dhe “Nissan”, shërbimet e Policisë gjetën dhe sekuestruan dy shufra hekuri dhe dy kaçavida.”- njofton policia.
Materialet iu referuan prokurorive, për veprime të mëtejshme.
