Policia e Korçës ka arrestuar një person dhe ka nisur procedimin penal ndaj 3 të tjerëve të cilët dyshohet se në episode të ndryshme kanë ushtruar dhunë ndaj personave të tjerë.
Një 25-vjeçare ka ushtruar dhunë ndaj vjehrrës së saj, ndërsa një 38-vjeçar ka dhunuar prindërit. Në një tjetër episod, një grua 53-vjeçe ka dhunuar një tjetër grua 55-vjeçare.
“Komisariati i Policisë Korçë arrestoi në flagrancë shtetasin D. K., 33 vjeç, banues në Korçë, pasi dyshohet se ka ushtruar dhunë ndaj prindërve të tij.
Po nga këto struktura u referuan materialet në Prokurori, ku filloi procedimi penal për shtetasit:
▪︎ E. K., 38 vjeç, banues në Korçë, pasi dyshohet se ka ushtruar dhunë ndaj prindërve të tij;
▪︎ K. L., 25 vjeçe, banuese në fshatin Mborje, Korçë, pasi dyshohet se ka ushtruar dhunë ndaj vjehrrës së saj;
▪︎ A. S., 53 vjeçe, banuese ne Korçë, pasi dyshohet se ka dhunuar një 55-vjeçare”, njoftoi Policia.
Materialet i kaluan Prokurorisë për veprime të mëtejshme.
