Një aksident ka ndodhur mëngjesin e së premtes në rrugën “Lin Delija” të Shkodrës.
Dy makina janë përplasur njëra me tjetrën dhe për pasojë pasagjeri 7-vjeçar ka mbetur i plagosur. I mituri është dërguar me urgjencë në spital, ku ndodhet jashtë3 rrezikut për jetën.
“Rreth orës 10:00, në rrugën “Lin Delija”, automjeti me drejtues shtetasin P. Gj. është përplasur me automjetin me drejtuese shtetasen M. C. Si pasojë është dëmtuar një 7-vjeçar, pasagjer në automjetin e shtetases M. C., i cili është dërguar për mjekim në spital dhe është jashtë rrezikut për jetën”, njofton policia.
Grupi hetimor po punon për sqarimin e rrethanave të aksidentit.
