Valët e zgjatura të të nxehtit janë bërë më të zakonshme për shkak të ndryshimeve klimatike, kushte që mund të ndryshojnë medikamentet dhe efektet e tyre tek pacientët që i marrin ato.
Medikamentet rrisin ndjeshmërinë e pacientëve ndaj nxehtësisë duke dëmtuar reagimin e trupit ndaj temperaturave të larta, duke përfshirë kështu aftësinë për të djersitur dhe shpejtësinë e rrjedhjes së gjakut.
Efektet e ilaçeve të lidhura me nxehtësinë mund të ndryshojnë në bazë të gjendjes shëndetësore individuale, dozës dhe kushteve mjedisore.
Pacientët duhet të konsultohen me mjekët e tyre për rregullimin e mundshëm të dozave ose planifikimin në mot të nxehtë dhe ata duhet të qëndrojnë të ftohtë duke qëndruar të hidratuar, duke mbajtur ventilatorë dhe duke kërkuar hije ose ajër të kondicionuar, thonë ekspertët.
Cilat barna e rrisin ndjeshmërinë ndaj nxehtësisë?
– Medikamente për presionin e gjakut shtypin etjen, duke e bërë më të vështirë të dihet se kur duhet pirë më shumë ujë dhe duke rritur rrezikun e dehidrimit.
– Medikamente kundër alergjive: Disa antialergjikë pa recetë reduktojnë djersitjen dhe mund të dëmtojnë rregullimin e temperaturës.
– Medikamente psikiatrike: Disa ilaçe antipsikotike kufizojnë aftësinë e pacientëve për të djersitur. Kurse antidepresantë kanë efekt të kundërt, duke rritur djersitjen dhe duke shtypur etjen.
– Medikamentet e tiroides: Pilulat e hormoneve tiroide gjithashtu mund të rrisin temperaturën e trupit, të dëmtojnë rregullimin e temperaturës dhe të shkaktojnë djersitje të tepërt.
