Janë zbardhur detaje të reja nga plagosja me armë zjarri e regjistruar pasditen e kësaj të mërkure në fshatin Stropckë të Pogradecit.
Burime bëjnë me dije se i plagosuri është 47-vjeçari Përparim Shkulallu, i cili është plagosur me armë zjarri nga babai i tij, Agim Shkullaku, 83 vjeç.
Nga informacionet paraprake mësohet se babaë e bir janë konfliktuar me njëri tjetrin. Pasi djali ka rrahur babain, ky i fundit ka marrë çiften dhe ka qëlluar drejt të birit duke e plagosur.
Përparim Shkullaku është dërguar me urgjencë në spitalin e Pogradecit për të marrë ndihmë mjekësore, ndërsa 83-vjeçari Agim Shkullaku është shoqëruar në komisariat.
Njoftimi i Policisë:
Rreth orës 18:40, në fshatin Stropckë, Pogradec, ka ndodhur një konflikt familjar i çastit mes babait dhe djalit të tij.
Shtetasi P.Sh, 47 vjeç, në gjendje të dehur ka dhunuar babait e tij shtetasin A. Sh., 83 vjeç.
Më pas 83 vjeçari ka marrë armën e gjahut dhe ka plagosu djalin e tij shtetasin P. Sh, i cili është transportuar për në spital për ndihmë mjekësore.
Shërbimet e Komisariatit të Policisë Pogradec, kanë bërë shoqërimin e 83 vjeçarit në Komisariatin e Policisë për veprime të mëtejshme.
Gjithashtu shërbimet e Policisë kanë bllokuar e sekuestruar në cilësinë e provës materiale armën e gjahut me të cilën dyshohet se 83 vjeçari ka plagosur djalin e tij.
Grupi hetimor në drejtimin e Prokurorisë po punon për zbardhjen e plotë të rrethanave dhe dokumentimin ligjor të kësaj ngjarjeje.
