Gra në Sudanin e shkatërruar nga lufta po japin trupin për të ushqyer fëmijët. Dëshmi tronditëse thonë marrëdhëniet seksuale me ushtarët është mënyra e vetme që u ka mbetur për tu siguruar bukë e ujë fëmijëve
Për të sjellë këtë situatë gratë thonë se shumica e sulmeve u zhvilluan në zonën e fabrikave të qytetit, ku ka më shumë ushqim në qytet. Njëra nga viktimat e abuzimit ka folur për The Guardian.
“Të dy prindërit e mi janë shumë të moshuar dhe të sëmurë dhe nuk e kam lënë kurrë vajzën time të dalë për të kërkuar ushqim, sepse është 18 vjeçe, prandaj shkoj vetë tek ushtarët, ata janë kudo në zonën e fabrikave.”
Para se të shpërthente lufta, 37-vjeçarja, e cila dukej e zbehtë dhe e dobët në intervistë, tha se kishte punuar si shërbëtore për familjet që jetonin në pjesët e pasura të Omdurmanit, por ishte shumë e varfër për të qenë në gjendje të ikte nga qyteti dhe të merrte familjen e saj me vete në një pjesë më të sigurt të vendit.
Një tjetër foli për torturën që u detyrua të duronte dhe ju lejua të hynte në një pronë të braktisur për të marrë objekte që më pas mund t’i shiste.
“Unë nuk jam një hajdute, ajo që kam kaluar është e papërshkrueshme, nuk do t’ia dëshiroja as armikut, por e bëra vetëm sepse doja të ushqeja fëmijët e mi.”
Raportet e përdhunimeve nga njerëz të armatosur dolën brenda disa ditësh nga konflikti që filloi më 15 prill 2023.
Rrëfime të shumta të atyre që kryenin dhunë seksuale në mënyrë sistematike janë dokumentuar në zonën e Khartoum dhe në Darfur, rajoni i gjerë perëndimor ku RSF tani kontrollon gjithçka.
Konflikti në Sudan ka lënë dhjetëra mijëra të vdekur dhe ka zhvendosur më shumë se 10 milionë njerëz, sipas Kombeve të Bashkuara.
Një raport i fundit i mbështetur nga OKB tha se gati 26 milionë njerëz, ose pak më shumë se gjysma e popullsisë, po përballeshin me nivele të larta të pasigurisë akute ushqimore.
