Një efektiv policie është arrestuar nga Agjencia e Mbikëqyrjes Policore në Tiranë.
Në pranga është vënë punonjësi i policisë P. P., 55 vjeç, me detyrë Oficer i Patrullës së Përgjithshme në Komisariatin e Policisë Nr. 3. Ai akuzohet për kryerjen e veprës penale “Dhunë në familje”.
Sipas AMPS, arrestimi i tij u krye pasi krahas dhunës psikologjike të vazhdueshme, pas një debati për motive të dobëta, ka ushtruar edhe dhunë fizike ndaj bashkëshortes, duke i shkaktuar dëmtime në pjesë të ndryshme të trupit.
Në njoftim thuhet se vijon procesi i vetëpastrimit të Policisë së Shtetit.
