Në një kohë kur kryeministri Edi Rama “mburret” çdo ditë me rritjen e numrit të turistëve, Shqipëria e qeverisur nga socialistët nuk plotësojnë as bazën elementare për të akomoduar pushuesit në vendin tonë.
Së fundmi, Berati ka shfaqur problematika serioze pasi prej orësh qytetarët dhe bizneset po përballen me mungesën e pajustifikueshme të një “Black Out” total të energjisë elektrike.
Sipas denoncimit të mbërritur në redaksinë e “Boldnews.al”, disa zona të Beratit prej orës 17:00 të së premtes po vuajnë mungesën e energjisë elektrike.
Skandali në Berat vijon ku prej më shumë se 5 orësh qytetarët dhe turistët janë pa energji elektrike dhe kjo situate ndodh në kulmin e sezonit turistik, në një prej vendeve që ka numrin më të madh të turistëve të huaj në Shqipëri.
Autoritetet nuk ekzistojnë, ndërsa as Belinda Balluku nuk merr mundimin të prishë qetësinë e saj për të dhënë një shpjegim përse Berati prej orësh të tëra po vuan mungesën e energjisë elektrike.
Skandali bëhet edhe më i rëndë kur përveç se turistët duhet të rrinë pa energji elektrike, po ashtu, janë edhe pa ujë për shkak se nuk punojnë pompat në hotelet dhe apartamentet me qira. Duket se askush nuk po kujtohet për të rregulluar defektin e mundshëm, në një kohë me kushte atmosferike të mira.
Papërgjegjshmëria e ministres së energjitikës, Belinda Ballukut na rikthen edhe një herë zhurmën aq shumë të urryer të gjeneratorëve me të cilët shqiptarët kanë jetuar prej vite me radhë. Të shumtë kanë qenë bizneset që “zgjidhjen” e kanë gjetur tek gjeneratorët e zhurmshëm kurse turistët të habitur janë bezdisur nga zhurma dhe aroma e pakëndshme që krijon në mjedis.
Mesa duket “Rama” po tenton ta bëjë “kurban” Belinda Balluku, njësoj siç vepronte Enver Hoxha në kohën e komunizmit me Beqir Ballukun.
