Këshilltari për Çështjet Ekonomike në PD, Dorian Teliti ka reaguar lidhur me raportin e fundit të DASH-it mbi Shqipërinë.
Teliti shprehet se ky raport rrëzon propagandën e qeverisë Rama dhe evidenton shkaqet e frenimit të zhvillimit ekonomik të vendit.
AI shprehet se “korrupsion masiv, mungesë konkurrence në cdo hallkë dhe PPP klienteliste, kontrabandë dhe informalitet i përhapur dhe mbytës, trafiku drogës dhe pastrimi i parave, mungesa e sigurisë juridike, etj etj, kanë qenë dhe mbeten frenuesit kryesorë të zhvillimit ekonomik të vendit, sipërmarrjes dhe familjeve shqiptare”.
Reagimi i plotë:
Propagandë e dalë boje!
Propaganda qeveritare mbi Shqipërinë që “lulëzon”, hidhet poshtë për të disatën herë edhe nga raporti i Departamentit të Shtetit mbi klimën e të bërit biznes në Shqipëri.
Korrupsion masiv, mungesë konkurrence në cdo hallkë dhe PPP klienteliste, kontrabandë dhe informalitet i përhapur dhe mbytës, trafiku drogës dhe pastrimi i parave, mungesa e sigurisë juridike, etj etj, kanë qenë dhe mbeten frenuesit kryesorë të zhvillimit ekonomik të vendit, sipërmarrjes dhe familjeve shqiptare.
Edhe më shqetësues është konstatimi se emigrimi i fuqisë punëtore në moshë të re dhe të kualifikuar po jep efektet e saj dukshëm negative.
Ndaj sot më shumë se kurrë duhet ndryshim kursi, nevojitet ndryshimi politik.
Nuk vjen zhvillimi me propagandë të rremë, por me vizion, politika dhe kurajo.
Zgjedhjet e lira të organizuara nga një qeveri teknike janë e vetmja rrugë për ti dhënë Shqipërisë një shans për të ecur drejt zhvillimit dhe integrimit europian.
