Një ngjarje e rëndë është shënuar në Velipojë, ku pas sherrit, një 19-vjeçar ka nxjerrë thikën për ta përdor në konflikt, por ndërhyrja e policisë ka shmangur përshkallëzimin e.
Si pasojë, i riu është arrestuar nga policia dhe është sekuestruar mjeti prerës, thikë.
Ngjarja ka ndodhur mesditën e së mërkurës në një parkim në qendër të Velipojës, ndërsa gjithashtu bëhet me dije se edhe 22-vjeçari që është përfshirë në konflikt, është proceduar penalisht.
Njoftimi i policisë:
Velipojë/Ndërhyrja e Policisë parandaloi përshkallëzimin e një konflikti për motive të dobëta, ndërmjet disa të rinjve, që mund të sillte pasoja për jetën.
Goditi me grushte një shtetas 22 vjeç, kapet nga Policia, sapo nxori mjetin prerës (thikë) për ta përdorur në konflikt, dhe vihet në pranga 19-vjeçari.
Procedohet penalisht 22-vjeçari, pasi ka goditur me grushte, 19-vjeçarin.
Sekuestrohet mjeti prerës (thikë).
Mesditën e djeshme, menjëherë pas njoftimit për një konflikt ndërmjet disa të rinjve, për motive të dobëta, në vendparkimin e automjeteve, në një subjekt në qendër të Velipojës, shërbimet e Stacionit të Policisë Velipojë kanë shkuar në vendngjarje, për të parandaluar përshkallëzimin e këtij konflikti dhe për të nxjerrë përpara përgjegjësisë penale, autorin/ët.
Si rezultat, u kap sapo kishte nxjerrë nga automjeti, mjetin prerës (thikë), për ta përdorur në konflikt, dhe u arrestua shtetasi K. S., 19 vjeç.
Gjithashtu, u referuan materialet në Prokurori, ku nisi procedimi në gjendje të lirë, për shtetasin K. T., 22 vjeç, pasi gjatë konfliktit, ka goditur me grushte të arrestuarin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
