Gjykata e Posaçme ka rrëzuar kërkesën e Nikolin Topallit, i cili kishte ankimuar urdhrin e Ministrisë së Drejtësisë për vendosjen në regjimin e posaçëm të ushtrimit të të drejtave në burgun e sigurisë së lartë, ose siç njihet ndryshe regjimi “41 BISS”.
Vendimi është marrë nga gjyqtari Erjon Çela, teksa i burgosi Nikolin Topalli ka të drejtë 15 ditë, duke filluar ky afat nga e nesërmja e komunikimit të këtij vendimi, për ta ankimuar në Gjykatën e Posaçme të Apelit.
Nikolin Topalli po vuan dënimin me burgim të përjetshëm, pasi në vitin në 2001 për motive pronësie ka vrarë Çesk Ndrekën në Gramsh dhe ka plagosur vëllanë e viktimës. Topalli është shpallur fajtor për veprën penale “Vrasje me dashje në rrethana cilësuese; Armëmbajtje pa leje”.
