Gazetari investigativ Artan Hoxha shpjegoi arsyet e dështimit të tetë arrestimeve lidhur me inceneratorin e Tiranës.
Sipas Hoxhës, Byroja Kombëtare e Hetimit (BKH) kishte kryer kontrolle tre javë më parë në shtëpitë dhe zyrat e personave të dyshuar, duke konfiskuar celularë, kompjutera dhe pajisje të tjera elektronike.
Sipas tij, kjo ndërhyrje shkaktoi dekonspirimin e aksionit, pasi të dyshuarit kishin kohë të mjaftueshme për të marrë masa. Hoxha theksoi se hetimi i inceneratorit të Tiranës është një provë kyçe për besueshmërinë e SPAK në luftën kundër korrupsionit në nivele të larta.
“SPAK i kishte shinat e shtruara se janë të njëjtët njerëz për arrestimet për inceneratorët. Meqë kjo skemë ishte e gatshme nuk kishte pse humbte kohë të Tirana, që është lakmusi për të parë se çfarë mund të bëjë SPAK me korrupsionin e nivelit të lartë. Inceneratori i Tiranës është guri i provës. Nëse nuk heton inceneratorin e Tiranën, i ka rënë kauza. Veprimi i kësaj radhe fillimisht doli pas një lajmi që nuk erdhi nga mediat e opozitës, por nga ato të mazhorancës dhe ato kanë akses dhe marrin informacion të dorës së parë.
Para se të dilte lajmi Byroja Kombëtare e Hetimit kishte bërë kontrolle në shtëpi dhe zyra, ishim marrë celularë, kompjutera, iPAD-e dhe pritej të kishte masa konkrete. Por SPAK-u reagoi duke e hedhur poshtë, edhe pse SPAK nuk kishte thënë gjë. Pse duhej të reagonte? SPAK ka shkuar në gjykatë dhe vendimet janë vonuar, edhe pse vendimi p.sh. për kontrollin e gazetarit Elton Qyno u lëshua në sekondë nga gjykata. Gjyqtarja ka firmosur 8 masa sigurie dhe ka kërkuar shumë kohë, ndryshe nga herët e tjera. U dekonspirua aksioni? Të gjithë personat që sot janë në kërkim e kishin marrë vesh sepse u kishte shkuar BKH-ja tre javë më parë. Nuk ka dekonspirim se nuk ka mbetur njeri pa e marrë vesh. Për mua hetimi për inceneratori i Tiranës, është gur prove, ose ai do të marrë goditje dhe besueshmëria e tij do të vihet në pikëpyetje”, tha Hoxha per MCN.
