Një aksident ka ndodhur pak minuta më arë në superstradën Lezhë – Laç.
Nga të dhënat që vijnë nga vendi i ngjarjes bëhet e ditur se janë përplasur dy automjete në afërsi të kryqëzimit të Spitenit.
Njëra nga makinat e përplasura ka përfunduar e përmbysur në parkingun e një lokali duke dëmtuar dhe tetë automjete të tjera.
Nga aksidenti ka mbetur I plagosur një person I cili është dërguar për mjekim në spitalin rajonal të Lezhës.
Policia ndodhet në vendin e ngjarjes.
Lezhë/Informacion paraprak
Rreth orës 22:05, në aksin rrugor Lezhë- Milot, automjeti tip “Audi”, me drejtues shtetasin E. Gj., është përplasur me automjet tip “Mercedes”, me drejtues shtetasin L. L, dhe me disa automjete të cilat ndodheshin të parkuara pranë një restoranti.
Nga përlasja e automjeteve është dëmtuar lehtë pasagjeri që ndodhej në automjetin tip “Mercedes”, shtetasi M. L., i cili ndodhet në spital, në kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
