Arijanet Muric me skuadër të re. Portieri i Kosovës ka firmosur me Ipswich Town, skuadër që u ngjit në elitë. Muric lë kështu Burnley, pas dy edicionesh me këtë ekip.
“Gardiani” do të veshë fanellën e Ipswich për disa vite, ai nënshkruajti një kontratë që ka vlerë deri në 2028-tën. “Jam i emocionuar që i jam bashkuar Klubit dhe mezi pres të filloj. Kam parë se si luajti skuadra sezonin e kaluar dhe ndjeva se stili do të më përshtatet shumë, kështu që kjo është lëvizja perfekte për mua.
Kam pasur biseda të mira me menaxherin dhe Rene (Gilmartin, shef i portierit) dhe besoj se ky është vendi i duhur për mua që të jem ndërsa klubi kalon në Ligën Premier. Mezi pres të fillojm”,- tha ai.
