Endri Reçi do të luajë për Teutën në sezonin ardhshëm. Mbrojtësi që mbylli bashkëpunimin me Kukësin do të vazhdojë të jetë pjesë e Superiores.
23-vjeçar shkon në Durrës si lojtar i lirë dhe është bashkuar direkt me skuadrën.
Reçi është afrimi numër pesë i “Djemve të detit” në merkaton e verës, ndërsa më parë klubi kishte zyrtarizuar emra si Antonio Marku, Ardit Peposhi, Emiljano Vila dhe Renaldo Torraj.
Vihet re që deri më tani janë afruar më së shumti lojtarë me tipare mbrojtëse, ndërsa në sulm vetëm 19-vjeçari Torraj, i cili vjen pas eksperiencës në Angli me Burnley-n.
Njoftimi i Teutës:
“Mirësevjen Endri Reçi!
“KF Teuta ka kënaqësinë të njoftojë se mbrojtësi, Endri Reçi është zyrtarisht pjesë e skuadrës sonë. Lojtari bashkohet me Teuten pasi, ishte pjesë e Kukësit në sezonin e fundit. Pas arritjes së marrëveshjes dhe zyrtarizimit të bashkëpunimit, Reçi, nga sot është bashkuar me skuadrën në Durres ku po zhvillohen përgatitjet për sezonin e ri 2024/2025”.
