Një ngjarje e rëndë ka ndodhur gjatë mesditës së djeshme në Larisa të Greqi, ku një 45-vjeçar shqiptar ka humbur jetën si pasojë e kontaktit me rrymën elektrike.
Mediat greke shkruajnë se fillimisht për ngjarjen është njoftuar ambulanca e EKAB, për të shkuar në një njësi blegtorale që ndodhet në Karya Olympos, ndërsa ekipet e shpëtimit mbërritën në vendngjarje, por gjetën të vdekur një 45-vjeçar me origjinë shqiptare, trupin e të cilit e morën dhe e transportuan në Spitalin Universitar të Larisës.
Burime paraprake bëjnë me dije se ngjarja ka ndodhur pas një goditje elektrike nga një makineri krasitjeje.
Policia po heton për zbardhjen e plotë të shkaqeve të incidentit.
