Është shtyrë afati i punës së Komisionit Hetimor për shërbimet publike të Sterilizimit dhe të Check-Up në Shëndetësi.
Vendimi për shtyrjen e afatit u miratua nga Konferenca e Kryetarëve të grupeve parlamentare, deri më datën 22 tetor.
Mësohet se në mbledhje ishin të pranishëm vetëm deputetët e mazhorancës. Më herët shtyrja e punimeve të këtij komisioni u kërkua gjatë mbledhjes së fundit të tij.
Ditën e djeshme kryetarja e këtij Komisioni, Albana Vokshi tha se është rënë dakord me kryesinë e vogël për shtyrjen e punimeve. Në 3 mbledhjet e fundit të këtij Komisioni kanë dëshmuar anëtarë të Nismës Thurja Endri Shabani dhe Pano Soko.
Nisma Thurje ka bërë kallëzimin në SPAK për sterilizimin që ka çuar pas hekurave biznesmenin Ilir Rrapaj dhe ish ministrin e Shëndetësisë Klodjan Rjepaj. Ndërkohë ditën e djeshme dëshmoi mjeku Artan Koni dhe audituesi i KLSH, Klarenc Xhaferraj.
