Prokuroria e Posaçme (SPAK) ka dalë me një komunikatë për mediat në lidhje me 12 urdhër-arrestet e lëshuara pas dy vitesh hetimeve me Prokorirnë e Shkodrës për goditjen e një grupi kriminal që merrej me kultivimin e kanabisit.
SPAK bën me dije se hetimet për këtë grup kriminal, pas dy aksioneve të Policisë së Shkodrës, më 17 Qershor të vitit 2022, ku janë asgjesuar 32 mijë rrënjë kanabisi dhe janë gjetur 246.50 kilogram kanabis tjetër në proces tharje në fshatin Vallas të Njësisë Administrative Oblike të Shkodrës dhe më 12 tetor të vitit 2022 ku janë gjetur 86.05 kilogramë kanabis në fshatin Bleran-Bardhaj, Njësia Administrative Rrethina
“Faktet kriminale për të cilin janë kryer hetime në këtë procedim penal kanë të bëjne me ngjarjen e datës 17.06.2022, ku gjatë kontrollit të territorit në fshatin Vallas të Njësisë Administrative Oblike, nga ana e punonjësve të policisë të Komisariatit të Policisë Shkodër dhe Drejtorisë Vendore të Policisë Shkodër, rreth 100 metra largësi nga Xhamia e fshatit Vallas, janë konstatuar parcela të mbjella me bimë narkotike të llojit Cannabis Sativa, në total 32.000 rrënjë. Gjithashtu, gjatë kontrollit në ambientet e përshtatuara për shërbim të kësaj bime është konstatuar në proces tharje material bimor në formë boçeje me aromë dhe karakteristikë si ajo e lëndës narkotike Cannabis Sativa, e cila pas peshimit rezultoi në total 112.55 kilogram. Në vazhdim të kontrollit janë gjetur gjithashtu edhe të varuara bimë të prera në proces tharje të pa ndara nga kërcelli me peshë 130 kg. Pra, në total lënda e thatë e gjetur në vendin e ngjarjes është 246.50 kilogram.
Fakti i dyte penal ka të bëjë me ngjarjen e datës 12.10.2022, në fshatin Bleran-Bardhaj, Njësia Administrative Rrethina, Bashkia Shkodër, ku Drejtoria Vendore e Policisë Shkodër ka ushtruar kontroll në dy banesa ngjitur me njëra-tjetrën, konkretisht në banesën e shtetasi P. Gj. dhe vëllait R. Gj., si dhe në banesën tjetër të babait të tyre. Në banesën e parë është konstatuar një serë e improvizuar me plastmas, brenda së cilës po punonin disa gra, si dhe është gjetur dhe sekuestruar në cilësinë e provës materiale një sasi lënde narkotike në proces tharje me peshë 5. 955 kilogram, si dhe një sasi tjetër në gjendje të thatë me peshë 80.095 kilogram. Pesha totale e sasisë së lëndës narkotike ishte 86.05 kilogramë.” – thuhet në njoftimin e SPAK.
Policia e Shtetit ekzeuktoi 12 urdhër-arreste e lëshuara nga SPAK në kuadër të operacionit policor të koduar “OBLIKA”, ku 10 prej të cilave janë “Arrest në burg” dhe 2 të tjera “Arrest në shtëpi”.
Më konkretisht në pranga janë vënë shtetasit: Arben Uruçi, 50 vjeç, banues në Shkodër; Ardjan Tahiri, 30 vjeç, banues në Koplik; Hekuran Myrtja, 45 vjeç, banues në Shkodër; Samet Dahati, 36 vjeç, banues në Shkodër; Izmir Dahati, 28 vjeç, banes në Shkodër, Besar Lejthiza, 23 vjeç, banues në Shkodër; Ermis Sela, 22 vjeç, banues në Shkodër; Afrim Dahati, 23 vjeç, banues në Shkodër; Arian Popa, 23 vjeç, banues në Shkodër; Danjela Hasani, 44 vjeçe, banuese në Tiranë.
Ndërsa masatet e sigurisë “Arrest në shtëpi” janë caktuar për shtetasit Pjetër Gjoni, 50 vjeç dhe Roland Gjoni, 50 vjeç, të dy banues në Shkodër.
